Dr Sämi Ingold

Verse

ich bi dr Sämi Ingold seggle dur das Läbe als wäri e Windhund

gseh alles mit de Auge vomne Kind und frog mi was mr do no so in Sinn kunnt

ich bi weder taub blind stumm verzell euch was mir dur e Grind gumpt

doch hani no einigi Persönlikeite in mim Spind und ich suech immer no nach de richtig wichtige Wort

weiss nit ob se find

Chorus

Bunt isch wohl die einti Definierig bi mit Basel verbunde, als Dichter mi Ort!

jedi Beriehrig e Verfiehrig - wirsch du denn zu gierig - bini tief im unterschte Untergrund entschwunde,

hinterloh Wunde - wieso? Do dra grüble ich scho sitt Millione vo Sekunde

aber wart nümm uff mi Wunder - das hani scho empfunde - mitunter s'Läbe z'erkunde..

Verse

Muetter, kei empfinde - e Flüchtling unter 100tuusige Händ, zieht in Weschte,

gseht nur dr Porsche und wie 100tuusig nur s'Gält - dr Vater sälber e Kind unter Kinder am forsche

will aber für sini Kind numme s'beschte in dere grusige Wält - eigentlig Beidi- obwohl sie d'Muse nit händ,

so spielt sich mi Läbe ab, dr Richter in dr Robe isch dr King Kong und mini Eltere häns so welle- dKids- dr Spielball- Ping Pong

Tschechoslowakei gäge d'Schwitz, Wär gwünnt dr Satz wär verliert das Game - wär hett dr Duusel am Änd

kah verzelle was är hett welle - är isch dr Loser e Trämp, e lahmi Änte zahlt Alimänte -

und wär lauft dure Shop kauft alle-hop Alli Schueh, alli Mäntel? will vo jetzt aa d'Kind in aller Rueh verändre-

Bridge

Wär schafft uff dr Börse als Händler, wär duet uns fiettere und tränke? Du? Kasch dr dänke

kein kah mi Baschtard länke...

Will ich mi eigne Plan verstand und weiss woni aahne gang

doch mi Egomanehang isch e Scharlatan dr Pan in Wald im Femme Fatale Gwand

sodass ich immer wieder in andre Bahne stand

’96 zrugg uss Ängelbärg denn mi Muetter hett dänkt: dr Sam git kei guete Ängel här,

mi z‘händle sigg ämmel schwäär will ich e Bängel wär!

Triff dr Rik S a.k.a dr Iiseschmiid und Rap mit ihm über e fiise Beat,

s‘erscht mol Baseldütsch denn sitt 91 siggi das no Früsch.