Beimaan Koi Nahi

Verse

Hum se jhoota aur bada be-imaan koi nahi

Is ijlaas mein sachcha Musalmaan koi nahi

Yahan par jitne bhi ahbaab hain

Falasteeniyon ka khairkhaah koi nahi

Yaman aur Iran ka yahan amal dakhal koi nahi

Aqwaam-e-Muttahida aur European Union mein

Mazloomon ke saath koi nahi

Chorus

Hum se jhoota aur bada be-imaan koi nahi

Is ijlaas mein sachcha Musalmaan na koi nahi

Pakistan, Turkey, Misr aur Saudi Arab se taaqatwar koi nahi

Islami duniya mein inse bada ghaddar koi nahi

Atom bomb, jahaaz aur faujen kisi se kam koi nahi

Phir bhi dushmanon ke aage inse buzdil koi nahi

Hum se jhoota aur bada be-imaan koi nahi

Is ijlaas mein sachcha Musalmaan koi nahi

Verse

OIC ka yeh ijlaas sirf tasveer ka khel hai

Qarardadon ka tamasha aur andar se khaali khol hai

Na iqtisadi boycott, aur na sifarati jang hai

Buzdilon ka mela hai, yahan par kath putli tamasha hai

Hum se jhoota aur bada be-imaan koi nahi

Is ijlaas mein sachcha Musalmaan koi nahi

Chorus

Ayyubi, Zangi aur Babar kahan gaye

Tariq, Qasim aur Tipu ke naqsh-e-qadam mit gaye

Yeh ummat Maghrib ke geeton mein kho gayi

Mashriqi gheirat ko dollar ki chamak kha gayi

Hum se jhoota aur bada be-imaan koi nahi

Is ijlaas mein sachcha Musalmaan koi nahi

Verse

Yahan sab hain faqat baatein, amal mein jaan koi nahi

In ijlaason ka kisi mazloom ko koi faida koi nahi

Falasteeniyon, maango dua Rab se ab abbaon ki

Meri qalam ka faqat yahan par kaam koi nahi