हनुमान चालीसा

Verse

श्री गुरु चरन सरोज रज, निज मन मुकुर सुधारि

बरनऊं रघुबर बिमल जसु, जो दायक फल चारि

Verse

बुद्धिहीन तनु जानिके, सुमिरौं पवन-कुमार

बल बुद्धि विद्या देहु मोहिं, हरहु कलेश विकार

Chorus

जय हनुमान ज्ञान गुण सागर

जय कपीस तिहुँ लोक उजागर

Chorus

राम दूत अतुलित बल धामा

अंजनि-पुत्र पवनसुत नामा

Verse

महावीर विक्रम बजरंगी

कुमति निवार सुमति के संगी

Verse

कंचन वरन विराज सुबेसा

कानन कुंडल कुंचित केसा

Verse

हाथ वज्र औ ध्वजा बिराजै

काँधे मूँज जनेऊ साजै

Verse

शंकर सुवन केसरी नंदन

तेज प्रताप महा जग वंदन

Verse

विद्यावान गुनी अति चातुर

राम काज करिबे को आतुर

Verse

प्रभु चरित्र सुनिबे को रसिया

राम लखन सीता मन बसिया

Verse

सूक्ष्म रूप धरि सियहिं दिखावा

विकट रूप धरि लंक जरावा

Verse

भीम रूप धरि असुर सँहारे

रामचन्द्र के काज सँवारे

Verse

लाय सजीवन लखन जियाये

श्री रघुवीर हरषि उर लाये

Verse

रघुपति कीन्ही बहुत बड़ाई

तुम मम प्रिय भरत-सम भाई

Verse

सहस बदन तुम्हरो जस गावैं

अस कहि श्रीपति कण्ठ लगावैं

Verse

सनकादिक ब्रह्मादि मुनीसा

नारद सारद सहित अहीसा

Verse

जम कुबेर दिगपाल जहाँ ते

कवि कोविद कहि सके कहाँ ते

Verse

तुम उपकार सुग्रीवहिं कीन्हा

राम मिलाय राजपद दीन्हा

Verse

तुम्हरो मंत्र विभीषण माना

लंकेश्वर भए सब जग जाना

Verse

जुग सहस्त्र जोजन पर भानू

लील्यो ताहि मधुर फल जानू

Verse

प्रभु मुद्रिका मेलि मुख माहीं

जलधि लाँघि गये अचरज नाहीं

Verse

दुर्गम काज जगत के जेते

सुगम अनुग्रह तुम्हरे तेते

Verse

राम दुआरे तुम रखवारे

होत न आज्ञा बिनु पैसारे

Verse

सब सुख लहै तुम्हारी सरना

तुम रक्षक काहू को डरना

Verse

आपन तेज सम्हारो आपै

तीनों लोक हाँकते काँपै

Verse

भूत पिशाच निकट नहिं आवै

महावीर जब नाम सुनावै

Verse

नासै रोग हरै सब पीरा

जपत निरंतर हनुमत बीरा

Verse

संकट ते हनुमान छुड़ावै

मन क्रम वचन ध्यान जो लावै

Verse

सब पर राम तपस्वी राजा

तिन के काज सकल तुम साजा

Verse

और मनोरथ जो कोई लावै

सोई अमित जीवन फल पावै

Verse

चारों जुग परताप तुम्हारा

है परसिद्ध जगत उजियारा

Verse

साधु संत के तुम रखवारे

असुर निकंदन राम दुलारे

Verse

अष्ट सिद्धि नव निधि के दाता

अस वर दीन्ह जानकी माता

Verse

राम रसायण तुम्हरे पासा

सदा रहो रघुपति के दासा

Verse

तुम्हरे भजन राम को पावै

जनम जनम के दुख बिसरावै

Verse

अन्त काल रघुपति पुर जाई

जहाँ जन्म हरि-भक्त कहाई

Verse

और देवता चित्त न धरई

हनुमत सेइ सर्ब सुख करई

Verse

संकट कटै मिटै सब पीरा

जो सुमिरै हनुमत बलबीरा

Verse

जय जय जय हनुमान गोसाईं

कृपा करहु गुरु देव की नाईं

Verse

जो सत बार पाठ कर कोई

छूटहि बंदि महा सुख होई

Verse

जो यह पढ़ै हनुमान चालीसा

होय सिद्धि साखी गौरीसा

Verse

तुलसीदास सदा हरि चेरा

कीजै नाथ हृदय महँ डेरा

Verse

पवन तनय संकट हरन, मंगल मूरति रूप

राम लखन सीता सहित, हृदय बसहु सुर भूप